“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي في الحياة أمي ست قوية ومتسلطة لازم كلامها بس اللي يمشي مش مهم رأينا ورغباتنا عمري ما حسيت بحبها وحنانها زي كل الأمهات وكنت راضية باللي باخده منها مهما كان قليل لأني كنت فاكرة أن ده اللي عندها وأن دي شخصيتها لحد ما خلفت ابني وفجأة لاقتها اتحولت بقت شخص تاني مبتنمش الا لما تطمن عليه خد منها كل الحنان اللي كنت بشحته منها زمان”.
المشكلة اني ابتديت اغير جدا من ابني وبقيت شايفة أنه سرق مني حب وحنان أمي اللي مكنش موجود أصلا وكل ما بشوف حبها ليه كل ما كرهي ليه بيزيد وعارفة أنه ملوش ذنب بس غصب عني بعمل كده اعمل ايه.
الرد على صاحبة المشكلة:
احذري عزيزتي انتي من غير ما تقصدي بتتحولي لصورة أمك اللي انتي كارهاها وبتعملي في ابنك زي ما هي كانت بتعمل فيكي لازم تهربي من السجن اللي أمك سجنتك فيه طول السنين اللي فاتت انتي مش لسة نفس البنت الصغيرة اللي كانت عايشة تحت رحمة والدتها والأفضل أنك تواجهيها عشان تخلصي من الحمل اللي انتي شايلاه.. والأهم أنك متخليش ابنك يتحمل خسايرك من معركتك مع مامتك.
وبعد عرض المشكلة والرد عليها نرجو منكن عزيزاتي القارئات ألا تبخلن على صاحبة المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
