“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“من صغري وأنا بحلم بفارس الأحلام الوسيم اللي شبه رشدي أباظة وفي حنية محمود يس لحد ما كبرت واكتشفت أن اللي بيحصل في الأفلام بيفضل في الأفلام وعدا العمر بيا لحد ما كبرت وزي أي ست مصرية أصيلة سمعت كلام يسد النفس لحد ما استسلمت للواقع وابتديت أقابل عرسان طنط عنايات اللي مختارتهمش بأي عناية خالص”
“قابلت ناس ظروفها متصلحش خالص وكل مرة كنت بصمم على الرفض رغم كل الضغط اللي كل اللي حواليا كانوا بيمارسوه عليا لحد ما قابلت عريس ظروفه المادية والاجتماعية ظاهريا مناسبة جدا بس مع أول موقف اكتشفت أد ايه هو بخيل بعد ما أحرجني ولبسني في دفع أول عزومة عزمهالي”
“في الأول فكرت أني ارفض بس خايفة أخسر كل فرصي في الجواز وأعيش لوحدي من غير ونس.. بس كل ما بفتكر مواقفه بحس أني قلبي مقبوض ومش متخيلة أن ده اللي هكمل عمري كله معاه.. اتصرف ازاي”
الرد على صاحبة المشكلة:
“عزيزتي صاحبة المشكلة إياكي ثم إياكي والراجل البخيل علشان البخيل مش بس بخيل في الأمور المادية هو كمان للاسف بخيل في مشاعره عواطفه وانتي واضح جدا إنك رومانسية حالمة هتتعبي معاه جدا”
“وافتكري وانتي بتاخدي قرارك أن أنتي اللي هيتقبل عليكي باب شقة واحدة معاه وأن الناس اللي بيضغطوا عليكي دلوقتي هما اللي آخرهم بعد كده هيقلولك معلش استحملي.. وربنا معاكي”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
