“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي أني مبعرفش أرد من صغري بسمع كلام زي السم وعمري ما عرفت أرد ولا أخد حقي ودايما بروح دمعتي على خدي بسبب الكلام ده وأول ما بحكي الموقف لأصحابي كله بيبقى عنده رد للموقف وردود قوية إلا أنا وده خلاني اكتئب أكتر وأحس أد ايه شخصيتي ضعيفة وهشة”
“والموضوع بقى أبشع لما ارتبطت لأن للاسف الشخص اللي ارتبطت بيه وقلبي اتعلق بيه هو أكار شخص متنمر على وجه الكرة الأرضية بنبقى قاعدين في أمان الله الاقيه حدف عليه كلام زي السم وكل مرة بسكت بس هو كل مرة بيزيد في أسلوبه الوحش ده معايا ودايما يقولي أن القطة كلت لساني.. نفسي أعرف أخد حقي من كل الناس المؤذية دي بس كل مرة بسكت وساعات بيبقى الكلام في دماغي ومبعرفش أقوله بخاف من رد فعل اللي أدامي اعمل ايه كأن القطة كلت لساني”
الرد على صاحبة المشكلة:
“عزيزتي صاحبة المشكلة للأسف أغلب اللي حوالينا بقوا مقتنعين أن قلة الذوق والعجرفة قوة شخصية وبيغذوا ضعفهم وقلة حيلتهم بالسيطرة على الناس اللي بتبدوا ليهم الأضعف وللأسف مرة تانية الناس الأضعف بالنسبالهم هي اللي مبتعرفش تاخد موقف وتحط حدود ليهم”
“أنتي مش مضطرة تفكري في كلام تردي بيه أول ما تلاقي حد ابتدى يسخف عليكي بمنتهى الحزم والهدوء قوليله لو سمحت الكلام ده مش مقبول وانسحبي من القعدة فوراً ولو الموقف ده اتكرر انسحبي من حياة الشخص نفسه”
“مشاعرك رقم واحد في حياتك متسمحيش لحد يتجاوز حدوده ويجرحك مهما حصل وربنا معاكي”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
