كتبت: ميادة شكري
كل واحد فينا شاف في حياته “الماستر سين “واللي هو بلغة بتوع السينما المشهد اللي بيحصل بعده تحول في الأحداث ، مشهد أو موقف معين من شخص ما في حياتك، بيجبرك لا اراديا بإعادة تقيم نفسك واسلوبك معاه، موقف أو كلمة في لقطة، بتقولك خد بالك، الشخص ده اناني، عدواني،متسلط، بيخدعك، بيكرهك.
في ناس عدى عليهم الماستر سين، وتجاهلوه بهدف أن الدنيا تمشي وتعدي ،ولما اتئذوا بكوا على حظهم، و تأثروا نفسيا، وخدوا من صحتهم واعصابهم كتير علشان يقدروا يتجاوزه.
رغم أن الموضوع كان ممكن يفرق كتير لو انتبهوا “للماستر سين ” واتعاملوا معاه بحكمة.
وفي ناس قدرت تقرا المشهد صح في الوقت المناسب ، وانتبهت “للماستر سين” من غير تجاهل! وقدرت تعمل تغير في احداث حياتها القادمة، وتحولت لشخص أقوى وانضج.
قد يعجبك أيضاً
التأقلم صراخ قاسي بداخلنا فقط ويحسبه المحطين بنا ضحكات
وأيضاً
الأجمل من كلمة “بحبك“
