“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي أن جوزي نطع في الأول كان شغال في بنك وكانت كل حاجة ماشية تمام لحد ما جت كورونا واترفد وزي أي ست أصيلة قررت أني أقف جنبه في محنته بس للاسف هو اتعود على كده واتحول لنطع كبير معندوش مشكلة أني أشقى واتعب وأصرف على البيت”
“في الأول كان بيحسسني أن اللي بعمله كبير بالنسباله وأنه مقدره بس بعد فترة بقى ده العادي وبقى بيطلب مني فلوس كأنه حق مكتسب”
“الكارثة أني لسة بحبه ومش قادرة اتخيل حياتي من غيره بس تعبت من بروده ولا مبالاته حاسة أني بقيت أنا الراجل وهو الست ومش عارفة اتصرف ازاي”
الرد على صاحب المشكلة:
“عزيزتي صاحبة المشكلة للأسف مفيش أبشع من الرجل النطع وللاسف برضوا انتي اللي بإيديكي حولتيه لكده باستسهالك معاه وعطائك غير المشروط اللي طمعه فيكي فاستسهل الراحة وانتي الوحيدة اللي خسرانه في المعادلة دي”.
الحل أنك تاخدي معاه موقف حازم ياما ينصلح حاله يااما تنفصلوا مينفعش تعيشي دور المنقذ في علاقة غرقانة وهتغرقك معاها انفدي بجلدك بس حاولي معاه محاولة أخيرة عشان لما قلبك يوجعك عليه تفتكري أنك عملتي اللي عليكي معاه للآخر ولو مش علشانك فعلشان خاطر أولادك اللي ملهمش أي ذنب في أخطائكم أنتم الاتنين”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
جوزي الشاذ صورني مع صاحبه.. اتصرف ازاي
وأيضاً
