“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“أنا طول عمري كنت بعتبر نفسي محظوظة بنت من عيلة غنية جميلة شاطرة ذكية لحد ما اتجوزت جواز صالونات وحياتي اتحولت بعدها لجحيم اكتشفت أن جوزي شاذ جنسياً تفكيري ساعتها اتشل معرفتش اعمل ايه
وهو شغلي نغمة الصعبنيات وأن دي حاجة مش بأيديه واتفق معايا اني اصبر عليه لمدة سنة وبعدين ننفصل عشان الشكل العام وأنه عمره ما هينسالي الجميل ده وأني انقذته من الفضيحة
وللاسف ذكائي اللي كنت بتباهى بيه خاني ووافقت وده كان اغبى قرار خدته في حياتي بعد شهر من الجواز لاقيت جوزي محضرلي فطار ملوكي قلت في عقلي خسارة أن الحنية دي كلها اتخلقت في قلب واحد شاذ مسيرنا هننفصل أتاري الباشا كان حاطللي منوم في الفطار واتفق مع صاحبه يغتصبني وصور اللحظة دي عشان يمسكها عليا ذِلة ويهددني بيها لو فكرت اسيبه
وقالي أنه ما صدق لقى واحدة هبلة تبقى ديكور أدام أهله وتثبتلهم أنه راجل وبعدها بقى بيجيب صحابه البيت أدام عيني عادي ومش قادرة أفتح بوقي ولا اتكلم ولا أطلق أنا عايشة في جحيم ومش عارفة اتصرف ازاي.
الرد على صاحبه المشكلة:
للاسف ساعات كتير نوايانا الطيبة بتقابل شياطين على هيئة بشر وده اللي حصل معاكي هو استغل طيبتك وبراءتك ضروري تبلغي أهلك باللي حصل مهما عملوا معاكي أو قسيوا عليكي هتفضل مصلحتك بالنسبالهم رقم واحد وهما بس اللي هيقدروا يجيبوا حقك منه لوحدك مش هتقدري
متسيبيش عمرك يضيع مع واحد معدوم الضمير والله أعلم تصرفاته وأذيته ممكن توصل لفين.
واتواصلي مع محامي واعرفي حقوقك وايه الطرق القانونية اللي هتحفظلك حقك وتخلصك منه.
وبعد عرض المشكلة والرد عليها نرجو منكن عزيزاتي القارئات ألا تبخلن على صاحبة المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
