“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي أن جوزي خاين قفشته كذا مرة يعني الموضوع مش موضوع شك أنا متأكدة أنه بيخوني ورغم كده أنا مش عارفة أخد أي موقف معاه لسبب ممكن ستات كتير هتشوفه تافه بس هو جوهري بالنسبالي”
“ببساطة السبب اللي مخليني مش قادرة انفصل عن جوزي أن دمه خفيف ومُسلي جداً أول مرة اكتشفت خيانته انهرت وقررت أن دي النهاية وهو اعتذر كتير وفعلا روحت بيت أهلي بس هناك اكتشفت أن الحياة كئيبة وأني مفتقدة جدا ضحكه وهزاره ومع اول اعتذار منه وقتها رجعت”
“والوضع دلوقتي أنه هو مستمر في خيانته ليا وأنا بحاول أبين أني مش واخدة بالي مع أني متأكدة وبشوفه بعيني.. السؤال بقى هل أنا كده ست طبيعية لأن كل اللي بيعرف قصتنا بيهزأني ويقولي أني ست معدومة الكرامة بس أنا بقيت حاسة أن حتى لو حياتنا الزوجية انتهت بس أنا مقدرش استغنى عنه كصديق وبما أن ده مش منتشر في الطبقة اللي أنا بنتمي ليها فأنا محتفظه بيه كزوج شكلياً بس أدام الناس وأنا عارفة من جوايا أنه اتحول لمجرد صديق دمه خفيف بيضحكني”
الرد على صاحبة المشكلة:
“عزيزتي صاحبة المشكلة أنا مُعجبة جدا بصراحة مع نفسك وأنك محددة أولوياتك في العلاقة دي وعارفة أنتي محتاجة ايه بالظبط منها ودي شجاعة مش كله بيتمتع بيها للأسف”
“أنتي اللي عايشة الحدوتة بكل تفاصيلها محدش عايش معاكي فيها مدام مرتاحة كملي بس في الوقت ده حاولي تأسسي لنفسك حياة شغل بأجر ثابت بيت ملك ليكي أنتي عشان لو طاقتك خلصت في يوم متضطريش تقبلي وضع مش مريح بالنسبالك”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واستفساراتكم من خلال الايميل الرسمي للموقع 👇
قد يعجبك أيضاً
أمي اتحرشت بخطيبي.. والسبب صادم
وأيضاً
