“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي في عيلتي دايما بحس أنهم عايزين يخلصوا مني وده مخليني خايفة من فكرة الزواج خايفة لو حصل بيني وبين جوزي في المستقبل أي مشكلة يتخلوا عني ويجبروني ارجعله وتنكسر صورتي في عينه ويذلني بعدين.
بس أنا دلوقتي بين نارين نار معاملة أهلي السيئة ليا ونار الجواز بمشاكله ومش عارفة اتصرف ازاي.
الرد على صاحبة المشكلة:
مفيش وضع هتختاريه في حياتك هيبقى مُريح ١٠٠٪ والشطارة مش أنك تهربي من الظروف الصعبة الشطارة أنك تتأقلمي عليها وتحوليها لمصلحتك.
خرجي نفسك الأول من نار الاختيارين دول دوري على وظيفة وادخري جزء من مرتبك واشتري شقة باسمك علشان بعد الجواز لو اختلفتي مع جوزك يبقى ليكي مكان ثابت تلجأي ليه متبقيش تحت رحمته.
وفي الأول وفي الآخر لازم تعرفي تواجهي مشاكلك من غير تدخل من الأهل وده هتقدري تعمليه لما تعرفي أن ليكي مصدر رزق ثابت يحميكي من تقلبات الأيام.
وبعد عرض المشكلة والرد عليها نرجو منكن عزيزاتي القارئات ألا تبخلن على صاحبة المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
