في هذه الفقرة عزيزتي القارئة نقدم لكٍ روشتة من خبير متخصص تكون بمثابة مصباح يُضيئ حياتك في الأيام المقبلة.
وخبيرة اليوم أ/ غادة كريم، خبيرة العلاقات العاطفية والأسرية الشهيرة.
وكتبت غادة، عبر صفحتها الرسمية على موقع التواصل الاجتماعي فيسبوك، “اوعى تفكر كل باب اتفتح قدامك بس القدر منعك تعدى منه هو فرصة وضاعت منك..بالعكس .. مش بابك، مش نصيبك، مش مقاسك..النصيب بيجرى لصاحبه من بين جبلين والباب بيتفتح والأمور تتيسر علشان نصيبك وبتاعتك ومش مكتوبة لحد غيرك”
واضافت:”لكن اللى مش بتاعك يبقى بين شفايفك هتاكله خلاص.. ويقع وتيجى قطة تاخده ..نصيبها، بتاعها، بابها ورزقها وفتح لها وقفل عليك.. فى مقولة بحبها بتقول .. Rejection is protection or redirection !”
واستكملت حديثها، قائلة:”يعنى حماية لو فتح ما يمكن وراه جحيم وقفلته خير.. واعادة نظر لباب أوسع هناك.. بس أنت مش شايفه من كتر عياطك على الباب اللى اتقفل.. اتحرك .. وفى الرحلة محدش له نصيب دنيوى فى حاجة ومات من غير ما ياخدها وتبقى بتاعته.. لعبة الأبواب قانون رائع .. سيب ربنا يختار لك.. وحاول من غير ما تمسك فى حاجة ولو مش بتاعتك ارخى يدك وعقلك من التمسك بالأحداث والأشخاص، هيجى الأحلى والأحسن والألطف .. اعمل اللى عليك وسلم لله”.
قد يعجبك أيضاً
أسامة منير: من خشى الصد خسر ألف قد وقد
وأيضاً
