كتبت: رانا رمضان
“ليلى صلاح عادلي” بطلة مسلسل “برغم القانون”، واللي قامت بدورها الفنانة إيمان العاصي، بنت زي أي بنت في الدنيا افتكرت أنها ملكت الدنيا كلها لما قابلت “أحمد الدسوقي” اللي أقنعها أنها أهم حد في حياتي وأنه هيعمل المستحيل علشان يسعدها وهيبقى سندها وكل حاجة في حياتها.
وطلت ليلي بالأبيض وسط فرحة أبوها الرجل الطيب الجميل اللي اختار يوقف حياته عليها هي وأختها فاتن بعد موت مامتهم ورفض يتجوز واحدة تانية خاف عليهم من شبح مرات الأب بس للأسف بناته اتجوزوا رجالة عملوا فيهم أبشع من اللي ممكن مرات الأب ممكن تعمله.
ومرت عشر سنين خلفت فيهم ليلى بنت وولد وحياتها مرت جميلة وسعيدة مع زوج المفروض أنه أحن راجل في الدنيا لحد ما في يوم صحيت لاقته اختفت وبعد رحلة بحث طويلة اكتشفت الصدمة اللي دمرت حياتها وحياة أهلها اللي اتجوزت أحمد وهي فاكرة أنها بتفرحهم.
اكتشفت أنه نصاب وأنه هرب لبلدها عشان سبب عاهة مستديمة لابن عمه وبعد ما رجع لمراته وولاده قرر يقطع علاقته بليلى واولادها علشان يهرب من قضية النصب وانتحال الشخصية.
وعشان الدنيا تصعب على ليلى أكتر بتكتشف أنها حامل وأنها مش هتقدر تسجل طفلها باسم “أحمد” لأنه خد معاه وثقة الجواز وشهادات أولادها التانيين ومش بس كده أخو “أحمد” الحقيقي بيرجع وبيتهما بالتزوير وبيطعن في شهادات أولادها وفي نسبهم علشان أحمد الحقيقي مات في الكويت من عشر سنين.
وبعد ما ليلى بتوصل لجوزها بتفتكر أن مشاكلها بتتحل بس للأسف جوزها بيطلع في المحكمة يقول أن أولادها مش ولاده وبيزور تحليل ال DNA وفي الوقت ده أبوها مبيتحملش الصدمة وبيموت.
وبغض النظر عن قصة “ليلى” بس قصة المسلسل مُرعبة لأي بنت مُقبلة على الزواج وخصوصاً أن بطلة المسلسل محامية، فلو محامية وقعت في الفخ ده والقانون لعبتها أمال البنات التانية هتعمل أيه، وأيه الضمان أن الشخص اللي هتختاريه مش هيدمر حياتك.
مش لازم يكون نصاب ممكن يكون سيكوباتي وفيه ستات كتير حياتها راحت تمن لغلطة واحدة ارتكبتها لاما اختارت شريك الحياة.
والحقيقة أن مفيش أي ضمان في الدنيا أن شريك الحياة شخص سوي وللانصاف فيه كمان ستات مريضة بتضيع شريك الحياة وبتدمر حياته، ومش شرط أن البنات اللي بتقع في الفخ ده تكون متجوزة جواز صالونات فيه ستات كتير بتتجوز عن حب وبتتصدم في شريك حياتها، فهل هيتغلب حلم الفستان الأبيض وفارس الأحلام على الخوف من المجهول؟
قد يعجبك أيضاً
“باعوا الميه للساقيين”.. أحمد المُبرمِج وقع في فخ التصييد.. والسبب صادم
وأيضاً
“مش كلهم أحمد الدسوقي”.. ٣ مسلسلات نصف فيها الحب اسم “أحمد”
