“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي أني خجولة مبعرفش أقول كلمتين على بعض ولو زود في الكلام بتهته وبيبقى شكلي وحش أوي من يومين لاحظت إعجاب زميلي بيا وأنا كمان معجبة بيه بس بهرب منه عشان ميلاحظش مشكلتي مع أني ببقى هتجنن وأكلمه بس بخاف يسيبني لما يعرف حقيقتي مش قادرة أصارحه بالسر ده.
عزيزتي القارئة الخجل من الصفات اللي بتميز البنت بس لما بيزيد عن حده بيسببلها مشاكل كتير، لازم تقفي مع نفسك وتدوري على سبب الخجل الزيادة ده وعالجيه عشان تقدري تواجهي المجتمع وقبلها لازم تزودي ثقتك بنفسك وتروحي أماكن جديدة تتعرفي فيها على شخصيات جديدة.
وبالنسبة لمشكلة التهتة لازم تروحي لدكتور تخاطب عشان تحددي سببها ايه وتعالجيها.
أما بالنسبة لزميلك المُعجب متصديهوش ابتدي علاقتك بيه شات لحد ما تحلي مشكلة التهتة بس اتأكدي الأول طبعا من حقيقة مشاعره ومتخليش مشاعرك ليه تحولك لضحية.
وبعد عرض المشكلة والرد عليها نرجو منكن عزيزاتي القارئات ألا تبخلن على صاحبة المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
