“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“أنا ست طموحة جدا شغالة على نفسي وشوية شوية بوصل لهدفي بس مشكلتي في الناس اللي حواليا مش سايبني في حالي بسمع كلام زي السم من نوعية اللي زيك عندها أربع ولاد وحامل في الخامس اللي في سنك فاتحة بيت كأني قاعدة في الشارع وخصوصا في الأفراح ده السيزون بتاعهم الفرح بيبقى عبارة عن مصمصة شفايف مع عبارات ولا تضايقي نفسك يا حبيبتي الفرح الجاي فرحك إن شاء الله”
“أنا مش معقدة ولا ضد الجواز أنا بس عاوزة اعيش باقي عمري مع شخص سوي أحبه ويحبني ونبقى سند حقيقي لبعض مش واحد أسد بيه عين الناس عني وفي الآخر أنا اللي أشيل الهم.. السؤال بقى هل أنا صح ولا اللي حواليا اللي صح وأنا فعلا بضيع عمري وبكرة هندم”
الرد على صاحب المشكلة:
“عزيزتي صاحبة المشكلة لازم تقتنعي أن الجواز قسمة ونصيب وأكيد نصيبك هيدور عليكي ويلاقيكي ولو مفيش نصيب مهما حاولتي مش هتنجحي”
“أنتي صح ركزي في حياتك واستثمري في نفسك عشان نفسك هي اللي هتنفعك لما يتقفل عليكي باب شقتك سواء كنتي لوحدك أو كنتي مع شريك حياتك.. أنا عارفة أن كلامهم بيوجع بس اعتبريها ضريبة اختيارك لحريتك ولمبادئك ومهما كانت اختيارات ربنا لينا فهي الأحسن والأنسب ثقي في ربنا وثقي في نفسك وكملي طريقك اللي بدأتيه وربنا معاكي”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
qadithawanem@gmail.com
قد يعجبك أيضاً
وأيضاً
