“ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“حبيبي أخته عليا بطريقة مش طبيعية ومصمم دايما يخليني تابع ليها وده خلاها تتعامل معايا بتعالي شديد جدا وعشان بحبه ومش عايزة اخسره حاولت محتكش بيها بس هو مصمم بشكل مش طبيعي يقربنا من بعض ويخليها تتحكم في كل قرارات حياتنا”
“فضلت مستحملة الوضع ده على أمل أن الوضع يتغير وأنه يحس أد ايه الوضع مهين وعلاقة مش مريحة بالنسبالي بس مفيش فايدة لحد ما في يوم جبت أخري وقررت أرد عليه اتضايق جدا وقالي أنه كان فاكر أن دماغي أكبر من كده وأني بتاعة مشاكل وبحاول أفرقه عن عيلته.. أنا بحبه جدا بس حاسة أني مش هقدر أتحمل الوضع ده وأني هاجي على نفسي ومش هقدر احترم نفسي بعد كده لو رضيت بالوضع ده”
الرد على صاحبة المشكلة:
“عزيزتي صاحبة المشكلة للأسف واضح أن شخصية أخت حبيبك ضاغية عليه وهو ضعيف أدامها وده للأسف هيأثر على حياتكم بشكل سلبي وهتعيشي طول عمرك تابعة ليها وده هيأثر على اعصابك جدا خصوصاً أنها بدأت تتعامل بتعالي شديد وده هيولد صدام بينكم في أقرب وقت”
“الخسارة القريبة أفضل من الخسارة البعيدة وخصوصا لو الخسارة دي هتكلفنا نفسنا وكرامتنا أنجي بنفسك وأكيد هتلاقي الشخص اللي ظروفه مريحة بالنسبالك”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
أمي اتحرشت بخطيبي.. والسبب صادم
وأيضاً
