ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“هل فعلا الحب من غير أمل أسمى معاني الغرام ولا أسمى معاني خيبة الأمل.. أنا حبيت زميل ليا في الشغل من أول يوم اتشدله وحسيت أن فيه حاجات مشتركة بينا وفضلت مستنية أنه يجي ينطق يقولي بحبك بس هو مجاش فضلت اقنع نفسي أنه يمكن خجول يمكن متردد يمكن محتاج زقة لحد ما ضاع من عمري أربع سنين وهو برضوا منطقش”
“المشكلة الحقيقية أني مش قادرة انساه وأعيش حياتي وأنساه أزاي أصلا وهو في وشي كل يوم وبرضوا مش قادرة أبقى معاه هتجنن مش عارفة اعمل ايه”
الرد على صاحبة المشكلة:
“عزيزتي صاحبة المشكلة أنتي كده بتأذي نفسك واضح أنه للأسف مشاعره متحركتش من ناحيتك لو كانت مشاعره اتحركت كان اعترف مفيش حد بيقدر يداري حبه كل الفترة دي”
“أدي لقلبك فرصة يلاقي السعادة مع شخص تاني يحبك ويصونك ويقدر بتصرفاته يخليكي تحبيه بالعافية وصوني قلبك من أذية الشخص اللي مبيحبكيش لمشاعرك”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
