ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي في الزحمة أنا اتولدت في عيلة كبيرة مفهوم الخصوصية عندنا شبه معدوم عشت طول عمري مخنوقة بحلم في اللحظة اللي هخلص فيها من العيلة دي وأعيش لوحدي وطبعا مكنش فيه حل لمشكلتي دي غير أني اتجوز وفعلا اتجوزت وكان أول شرط ليا أنه ميكنش في بيت عيلة”
“أول شهور الجواز مكنتش مصدقة نفسي أخيرا ليا بيت مقفول عليا مفيش إلا أن وجوزي بس للاسف الظاهر أني اتكتب عليا الزحمة طول عمري حصلت مشكلة في بيت حماتي ونقلت عندنا بصفة دايمة ورجعت تاني للزحمة ولضيق التنفس”
“المشكلة أني زي أي ست أصيلة لازم اقف جنب عيلة جوزي في أزمتهم بس أنا مخنوقة ومش مرتاحة وصعبان عليا نفسي جدا ومش قادرة اتكلم اعمل ايه”
الرد على صاحبة المشكلة:
“عزيزتي صاحبة المشكلة للأسف الدنيا بتحطنا في مواقف سخيفة مبنقدرش نتصرف فيها بس في حالتك ممكن تشرحي لجوزك ظروفك وأنك بتحبي عيلته ومقدرة جدا وضعهم بس أنتي عندك مشكلة بالنسبة للزحمة”
“حاولي توصليله بطريقة متجرحهوش مخاوفك وظروفك وبإذن الله هيقتنع”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
