ساعات الواحد بيكلم الحيطة”، عبارة قالتها سيدة الشاشة فاتن حمامة في الفيلم الشهير “دعاء الكروان” تعبيراً عن الإحساس بالوحدة وعدم وجود شخص جدير بالثقة نرمي همومنا على عتبته.
ولكن من اليوم يعدك موقع “قعدة هوانم” بأن يكون ملجأ آمن لمشاكلك وأسرارك وأن نسعى جاهدين لإيجاد حلول لتلك المشاكل بمساعدة باقي القارئات، حتى نصل في النهاية إلى بر الأمان الذي نطمح جميعنا إليه.
وتقول صاحبة مشكلة اليوم:
“مشكلتي أني بحبه جدا بطريقة مش طبيعية بس خايفة أخد خطوة جد معاه كل ما بحس أن ممكن يحصل حاجة بينا ببعد وبخلق أي مشكلة عبيطة عشان نبعد تاني”
“هو حاول كذا مرة بس حاليا هو اتقفل مني جدا مبقاش بيحاول يقرب وأنا مقدرش ألوم عليه هو فعلا استحمل سخافتي كتير وحاول يحتويني كتير بس أنا خايفة مجرد ما بحس أن ممكن حاجة تحصل بينا بتخنق والدنيا بتتقفل في وشي ومجرد ما يبعد أحس أنه وحشني جدا ونفسي اتكلم معاه”
“نفسي أصارحه بكل مخاوفي بس مش قادرة وخايفة يستغل مخاوفي دي ضدي ومش عارفة اعمل ايه مفيش ثقة”
الرد على صاحبة المشكلة:
“عزيزتي صاحبة المشكلة مش عشان خاطر حبيبك خالص عشان خاطر نفسك انتي محتاجة تتابعي مع دكتور نفسي لأن للاسف خوفك هيمنعك من حاجات كتير جدا وهيقف عقبة في طريقك”
وبعد عرض المشكلة والرد عليها نرجو منكن عزيزاتي القارئات ألا تبخلن على صاحب المشكلة بكلمة دعم أو حلول أخرى للمشكلة من خلال التعليقات.
وفي انتظار مشاكلكم واسفساراتكم من خلال الايميل الرسمي للموقع 👇
قد يعجبك أيضاً
وأيضاً
