كتبت: ميادة شكري
عايز تكون سي السيد،، وتكون لك هي أمينة..؟! ماشي.. بس احب اعرفك الأول أن سي السيد ده، كان اصلا فلاتي.. في العوامة مع حلاوتهم وكيداهم ورقص وهز ليلاتي.. الصبح ينزل من بيته بهيبه، تقلب على اخر الليل بالخيبة.. شيزوفرنيا ومقطع نَفسه بين الوقار والهلس اللي في نِفسه
لكن أمينة.! هي الأصل والطيبة، هي العقل و رومانة الميزان.. ثابته و مش مهزوزة، في غيابه وحضورة البيت متصان.. حتى يوم ما الحسين دعاها ولبت نداه، قالت الحقيقة من غير لوعو.. لما بعتها بيت أهلها، قبلت العقاب وتحملت الوجع
اه لو كان جالها صوره يومها ع الواتس اب.. وهو متحزم وبيطبل ورا ام قبقاب.. كانت هتداري لتعرف العيال.. لأجل مايفضل ابوهم سيدي الرجال.. بس حقيقته أمينة عارفاها، وهيبته هي اللي صنعاها.
يبقى لما تحب تعمل دور سي السيد وتفرح.. افهم الأول أن أمينة هي صاحبة المسرح
قد يعجبك أيضاً
وأيضاً
أنثى بقوة نملة غيرت مسار جنود سليمان
