في هذه الفقرة عزيزتي القارئة نقدم لكٍ روشتة من خبير متخصص تكون بمثابة مصباح يُضيئ حياتك في الأيام المقبلة.
وخبيرة اليوم أ/ جهاد التابعي، خبيرة العلاقات العاطفية والأسرية الشهيرة.
ونشرت التابعي، عبر صفحتها الرسمية على موقع التواصل الاجتماعي فيسبوك، “زي ما في ناس لازم نبعد عنهم عشان ماضيهم وحش جدا ً في ناس برده لازم نبعد عنهم عشان ماضيهم حلو جداً.. الرابط هنا هو عدم القدرة علي التخطي”
وأضافت التابعي:”والاتنين برده قبل ما أكمل كلامي شيء نسبي.. لكن لو راجل كان متجوز واحدة حلوة وطيبة وبيحبها ووفية وفيها كل المميزات وتوفت مثلاً هو كده عاش في عالم تاني استثنائي ، الحياة وافقت فيه مؤقتاً تديه كل حاجة مع بعضها فلما يرجع العالم العادي بتاعنا ويلاقي الدنيا حاجة قصاد الدنيا حاجة واحدة حلوة بس مش وفيه ولا واحدة طيبة بس مش ذوقه ومش ماليه عينه ، هيعاني ، وهنا المعاناه هتفضل غير قابله للإقناع إن حد يقوله ارضي وخلاص أصل مفيش غير كده، لأنه” داق! خلاص وجرب وذاكرته مش هتنسي”داق السعادة على بعضها مش بالتقسيط”
واستكملت، قائلة:”كذلك لو واحدة كانت متجوزة واحد طيب ووسيم ورياضي وغني وكريم معاها وبتحبه وحصله حاجة هي شبه مستحيل تتأقلم مع حد تاني لأن اللي هتلاقيه بعده هيبقي شكله حلو بس خاين.. غني بس بخيل أو خاين.. كريم بس مش وسيم”.
واستطردت، قائلة:”وهكذا والاختيارات دي ممكن تبقى حلم لغيرها بس هي ” داقت ” خلاص وجربت قمة اللذة.. جربت خلط كذا نوع سعادة مع بعض”
واختتمت حديثها، قائلة:”عشان كده من الذكاء إنك لو داخل حياة حد داق السعادة الكاملة حتي لو لوقت قصير في حياته تنسحب فوراً بدون حتي ما تستني هو يرفض أو يقبل.. أو تكمل المحاولة لو أنت عارف إنك موازي للي فقدوه”.
قد يعجبك أيضاً
وأيضاً
